Гурт RECHA 15 сакавіка выступiць у Наваполацку

15 сакавіка гурт RECHA завітае ў Наваполацк і прадставіць сваю праграму. Пачатак канцэрта ў 18 гадзін. 

18 гадоў мінскі гурт RECHA стварае сваю ўнікальную музыку. Артысты даследуюць і пераўвасабляюць такія жанры, як рэп, шансон, рок. Але, не залежна ад стыляў і накірункаў, у якіх працуюць музыкі, песні Recha заўсёды душэўныя і шчырыя, самыя сур’ёзныя тэмы, да якіх звяртаюцца артысты, прасякнутыя іроніяй і гумарам. RECHA – простая музыка і простыя словы аб самым галоўным у жыцці.

• Андрусь Такінданг – домра, голас
• Ігар Асідчанка – акардэон
• Кастусь Лісецкі – бас-гітара
• Леанід Паўлёнак – барабаны