Новапалачане сталі пераможцамі конкурсу «Жураўліны звон»

У Віцебску падвялі вынікі абласнога дыстанцыйнага конкурсу ансамбляў песні і музыкі «Жураўліны звон». Шмат узнагарод – на рахунку навапалачан.

Субацея

У намінацыі «Ансамбль народнай музыкі і песні» лаўрэатам III ступені стаў народны інструментальны ансамбль настаўнікаў «Жывіца» СШ №3 імя У.У.Шчарбакова (кіраўнік Наталля Стубрый). На другую прыступку конкурснага п’едэстала падняўся народны ансамбль песні і музыкі «Сузор’е» СШ №5 (кіраўнік Леў Новікаў).

Вакальная група ўзорнага ансамбля танца і песні «Прыдзвінскія россыпы» Цэнтра культуры пад кіраўніцтвам хармайстра Нэлі Бароўскай стала лаўрэатам ІІ ступені ў намінацыі «Ансамбль народнай песні».

Найбольшага поспеху сярод навапалачан дасягнуў тэатр песні «Субацея» Цэнтра культуры. Калектыў існуе ўжо 9 гадоў. Сёння ў яго асноўным складзе 12 гараджан, над вакальнымі талентамі якіх плённа працуе заснавальнік і нязменны кіраўнік тэатра Кацярына Фядотава. На абласны конкурс «Субацея» прадставіла папуры на тэму рускіх народных песень і песню лінейных казакоў «Бліны». Выступленне навапалачан прыйшлося даспадобы высокапрафесійнаму журы і атрымала найвышэшую адзнаку – Гран-пры абласнога дыстанцыйнага конкурсу ансамбляў песні і музыкі «Жураўліны звон».

Нелі Радзько

Чытайце таксама:

Юных новополочан ўзнагародзілі за актыўны ўдзел у інтэлектуальна-пазнавальнай праграме «Ігратэка Ў бібліятэцы»

Да 20 лістапада юныя новапалачане могуць прыняць удзел у конкурсе «Любімыя казкі. Чытаем і малюем»

У Наваполацку дзейнічае праект «Арт-гасцёўня». Даведайцеся, што ён дапамагае вывучаць