У Наваполацку адкрылася сумесная выстава юных мастачак Ганны Гулевіч і Паліны Мятловай

Да канца снежня ў базавай школе №10 г.Наваполацка працуе сумесная выстава вучаніц 4-га класа Дзіцячай мастацкай школы імя І.Ф.Хруцкага Ганны Гулевіч і Паліны Мятловай «Моц уяўлення».

На выставе прадстаўлена 10 жывапісных работ, выкананых у розныя гады навучання. Па ім можна прасачыць рост майстэрства юных мастачак. Вобразы і сюжэты на іх карцінах ствараліся на занятках па кампазіцыі пад кіраўніцтвам Валянціны Пылінскай. «Яны розныя па характару, але аднолькава захопленыя творчасцю, – гаворыць Валянціна Аляксандраўна. – Паліна – натура моцная, рашучая, лёгка рэалізуе свае задумкі, не пасуе перад цяжкасцямі. Ганна, наадварот, ціхая, спакойная, грунтоўна падыходзіць да любога задання».

Абедзве навучэнкі прымаюць актыўны ўдзел у конкурсах і выставах рознага ўзроўню. Любяць маляваць з натуры, умеюць перадаць на паперы прыгажосць нават самых звычайных рэчаў.

Нэлі РАДЗЬКО

Вам будзе цікава пачытаць:

Новополочанка Соф’я Палякевіч стала лаўрэатам Міжнароднага конкурсу «Крыштальны васілёк»

У Наваполацку дзейнічае праект «Арт-гасцёўня». Даведайцеся, што ён дапамагае вывучаць

Як выступілі творчыя калектывы наваполацкай трэцяй школы на конкурсе «Піраміда зорак»