У наваполацкай бібліятэцы імя Уладзіміра Караткевіча адкрылася выстава. Паглядзіце малюнкі юных мастакоў

26 лістапада споўнілася 90 гадоў з дня нараджэння вядомага беларускага пісьменніка і паэта, самабытнага прадстаўніка нацыянальнай літаратуры ХХ стагоддзя, Уладзіміра Караткевіча.

Уладзімір Сямёнавіч пісаў пра гісторыю бацькаўшчыны. Зрабіў унёсак у развіццё нацыянальнай кінадраматургіі. Выступаў у абарону помнікаў архітэктуры і прыроды, аказаў значны ўплыў на грамадскае, эстэтычнае і духоўнае жыццё нашага народа. Істотна ўзбагаціў беларускую літаратуру ў тэматычнай і жанравай адносінах, напоўніў яе інтэлектуальным, філасофскім сэнсамі.

У дзень нараджэння знакамітага песняра беларускага слова ў наваполацкай бібліятэцы, якая носіць яго імя, адбылося адкрыццё выставы малюнкаў юных мастакоў ізастудыі «Хамелеон» Палаца дзяцей і моладзі пад кіраўніцтвам Таццяны Асташкевіч. Наведвальнікі студыі прадставілі ілюстрацыі да любімых твораў знакамітага пісьменніка. Убачыць экспазіцыю можна да канца бягучага года.

Нэлі РАДЗЬКО

Вам будзе цікава пачытаць:

У Наваполацку адкрылася сумесная выстава юных мастачак Ганны Гулевіч і Паліны Мятловай

Новополочанка Соф’я Палякевіч стала лаўрэатам Міжнароднага конкурсу «Крыштальны васілёк»

Як выступілі творчыя калектывы наваполацкай трэцяй школы на конкурсе «Піраміда зорак»