Зорны дэбют. Новапалачанка Лера Баранава – у ліку лаўрэатаў Міжнароднага конкурсу «Караван культур»

На мінулым тыдні ўзорны ансамбль танца і песні «Прыдзвінскія россыпы» Цэнтра культуры прымаў віншаванні ад арганізатараў XVI Міжнароднага конкурсу «Караван культур» (г.Волін, Польшча). Нагодай таму стаў зорны дэбют выхаванкі вакальнай групы калектыву Леры Баранавай, якая стала лаўрэатам ІІ ступені прэстыжнага фэсту.

Дзяўчынка займаецца вакалам усяго паўгады, але ўжо падае вялікія надзеі. На творчым спаборніцтве яна выступіла ў адной з самых прадстаўнічых намінацый «Вакал эстрадны. Сола» – удзел у ёй прынялі 189 канкурсантаў з сямі краін свету. Сцэнічны касцюм дзяўчынке прадаставіла кіраўнік узорнага тэатра моды «Топ-Топ» Цэнтра культуры Вікторыя Патульская. Разам з хармайстрам ансамбля Нэлі Бароўскай юная зорачка падрыхтавала дзіцячую песню «Маці». Яе шчырая падача і дзіцячая непасрэднасць выканання вызвалі шмат добрых водгукаў прафесійнага журы, а кіраўнік італьянскай танцавальна-тэатральнай студыі «Dance Mission», дацэнт Генуэзкага дзяржаўнага ўніверсітэта Раіса Салахава нават запрасіла новапалачанку прыняць удзел у вакальным конкурсе ў Італіі.

Нэлі РАДЗЬКО

Вам будзе цікава пачытаць:

У наваполацкай бібліятэцы імя Уладзіміра Караткевіча адкрылася выстава. Паглядзіце малюнкі юных мастакоў

У Наваполацку адкрылася сумесная выстава юных мастачак Ганны Гулевіч і Паліны Мятловай

Новополочанка Соф’я Палякевіч стала лаўрэатам Міжнароднага конкурсу «Крыштальны васілёк»

Як выступілі творчыя калектывы наваполацкай трэцяй школы на конкурсе «Піраміда зорак»