Новапалачанки Яна Емяльянава і Анастасія Васюкевіч заваявалі шэраг узнагарод на міжнародных конкурсах

Вучаніцы пятага класа дзіцячай школы мастацтваў №1 Яна Емяльянава і Анастасія Васюкевіч заваявалі шэраг узнагарод на міжнародных конкурсах.

III Міжнародны шматжанравы конкурс «Белавежская зорка» (г.Брэст) сабраў больш за 500 удзельнікаў з Беларусі, Расіі, Украіны, Германіі, Літвы, Малдовы. У склад журы ўвайшлі дзеячы культуры, чые імёны сталі вядомымі дзякуючы асабістаму ўдзелу або поспеху іх выхаванцаў у тэлевізійных конкурсах, праектах і тэлешоу. Выкананне бессмяротных шэдэўраў І.С.Баха і Э.Грыга прынеслі Яне Емяльянавай званне лаўрэата ІІ ступені. Узнагароду такога ж узроўню юная выхаванка ДШМ №1 заваявала і на Усерасійскім конкурсе музыкантаў-выканаўцаў «Музычная сталіца» (г.Масква, Расія). Дарэчы, адным з арганізатараў дадзенага спаборніцтва выступіў культурны цэнтр знакамітай опернай спявачкі Алены Абразцовай г.Санкт­Пецярбурга.

Багаты ўраджай узнагарод сабрала Анастасія Васюкевіч. На Міжнародным конкурсе «Выше радуги» (г.Масква), які прайшоў пры падтрымцы Міністэрства культуры РФ, Насця стала лаўрэатам I ступені. На конкурс яна прадставіла творы І.С.Баха і А.Арэнскага. Сярод журы спаборніцтва былі кандыдаты педагагічных навук, прафесары Маскоўскай дзяржаўнай кансерваторыі імя П.І.Чайкоўскага, лаўрэаты міжнароднага конкурсу Марыі Калас і Марыян Андэрсан (г.Вашынгтон, ЗША). Першая прыступка конкурснага п’едэстала пакарылася Анастасіі Васюкевіч і на Міжнародным творчым фестывалі-конкурсе «Призвание – артист!» (г.Санкт­Пецярбург, Расія). Місія праекта – аказанне дапамогі таленавітым артыстам у дасягненні вялікіх творчых вышынь без узроставых, сацыяльных, нацыянальных, рэлігійных і іншых абмежаванняў. Асабістасць конкурсу ў тым, што званне лаўрэата прысвойваецца толькі 10 канкурсантам, у склад якіх увайшла і наша Насця. Сёлета ў творчым спаборніцтве прынялі ўдзел больш за 2 тысячы канкурсантаў.

Як адзначае педагог таленавітых піяністак Маргарыта Мартас, Анастасія і Яна выдатна вучацца па ўсіх прадметах, заўсёды прымаюць удзел у музычных спаборніцтвах, імкнуцца да засваення складаных класічных твораў, падтрымліваюць сяброўскія адносіны.

Нелi РАДЗЬКО

Вам будзе цікава пачытаць:

Новапалачанка стала лаўрэатам міжнароднага конкурсу «Art Sweden Fеst» у Швецыі

Якія ўзнагароды прынёс новапалачанам Міжнародны конкурс мастацтваў «Крыштальны васілёк»

Новополочанка Соф’я Палякевіч стала лаўрэатам Міжнароднага конкурсу «Крыштальны васілёк»

Як выступілі навапалачане на абласной алімпіядзе па сальфеджыа? Даведайцеся імёны пераможцаў