Кафедра «Архитектуры и дизайна» ПГУ проводит бесплатные мастер-классы для школьников

Кафедра «Архітэктуры і дызайна» Полацкага дзяржуніверсітэта распачала правядзенне бясплатных майстар-класаў для ўсіх жадаючых школьнікаў. Мэта – пазнаёміць юных новапалачан са спецыяльнасцямі кафедры.

Першую сустрэчу з моладдзю правяла старэйшы выкладчык кафедры Вераніка Васільева. Тэматыка занятку была прысвечана гораду, у якім хочацца жыць, – «Гораду мары». Будучыя творцы працавалі з колерам, здзяйсняючы падарожжа ў фантазійныя спалучэнні і разважанні аб аргані­зацыі прасторы і яго напаўненні.

Другі майстар-клас – «Займальны накід» – са старэйшым выкладчыкам кафедры Андрэем Піскуном быў накіраваны на працу з графікай і пластычнасцю ліній, тонам, кампаноўкай і фактурай, матэрыяльнасцю ў маля­ванні з натуры.

Не абышлося і без вірту­альнай рэальнасці. Выву­чэнне асноў праграмнага забеспячэння для інфар­мацыйнага мадэлявання будын­каў і праектавання
архітэктурных элементаў пачалося з праграмнага комплексу Revit з асістэнтам кафедры Уладзі­славам Хватынцом. Госці майстар-класаў стварылі інтэр’ер пакоя, у якім бы яны з задавальненнем жылі.

Акунуцца ў творчы свет прафесіі архітэктара, дызайнера, захапіцца, вывучыць і стварыць новыя для сябе формы, канструкцыі ў наступны раз можна будзе падчас зімовых канікул. Падра­бязная інфармацыя – на сайце ўнівер­сітэта альбо ў групе «УКантакце» «Наваполацкая архітэктурная школа» https://vk.com/nach_psu.

Нэлi Радзько