Выставка работ мастериц лоскутного шитья работает в Центре ремесел и традиционной культуры г.Новополоцка

Адкрыты рэспубліканскі праект «Творчы раўнд. Рамесная карусель», у якім прынялі ўдзел майстрыхі лапікавага шыцця з усёй Беларусі, экспануецца ў Цэнтры рамёстваў і традыцыйнай культуры г. Наваполацка.

На працягу некалькіх месяцаў удзельнікі «каруселі» па чарзе вы­кон­валі розныя за­данні на зададзеную тэму, складаючы адзіны па сэнсаваму напаў­ненню твор. Галоўнай мэтай сумеснай працы стала жаданне прад­ставіць багатую палітру беларускіх традыцый, зашытых у кавалачках тканіны.

Праект такога кшаталту ў рэспубліцы ажыццявілі ўпер­шыню. З ініцыятывай яго правядззення выступіў народны клуб аматараў лапікавага шыцця «Рошва» (г. Полацк).

– У вандроўках па сінявокай немагчыма пазнаёміцца з гісторыяй усіх яе маляўнічых куткой. Таму ў нас нарадзілася ідэя прапанаваць народным умельцам самім расказаць пра родны край. Па ўмовах творчага працэсу яны стваралі пачатковае пано з любым цікавым для іх сюжэтам і суправаджалі яго апісаннем. Потым мяняліся працамі і да­ведваліся пра прыгожыя памятныя месцы розных гарадоў Беларусі, а таксама гістарычныя, культурныя падзеі, звязаныя з імі. Да завяршэння кожнага твора іншыя ўдзельнікі яго не бачылі. Фінальны прагляд падараваў нам шмат цудоўных адкрыццяў! – расказала галоўны арганізатар праекта, кіраўнік клуба «Рошва» Ніна Ярмух.

Нэлi РАДЗЬКО
фота аўтара