Марына Куксёнак: «У новай рэдакцыі Канстытуцыі народнай самасвядомасці надаецца асобая ўвага. І гэта правільна»

Марына Куксёнак, галоўны захвальнік фондаў музея гісторыі і культуры г. Наваполацка:

– Усенароднае абмеркаванне праекта новай рэдакцыі Канстытуцыі Рэспублікі Беларусь сёння стала галоўнай тэмай тэле- і радыёэфіраў. У сродках масавай інфармацыі, на дыялогавых пляцоўках, падчас сустрэч з працоўнымі калектывамі мы назіраем шчырую зацікаўленасць да зместу Асноўнага Закона.

Асаблівую ўвагу ў праекце Канстытуцыі прыцягвае дапаўненне да артыкула 15: «Дзяржава забяспечвае захаванне гістарычнай праўды і памяці аб гераічным подзвігу беларускага народа ў гады Вялікай Айчыннай вайны». На памяць адразу прыходзяць успаміны вязня нацызму Ядзвігі Паповай з кнігі «Чтобы помнили!». Як работніку музея, мне часта даводзіцца сустракацца з удзельнікамі і сведкамі Вялікай Айчыннай вайны, гутарыць з іх роднымі і блізкімі, знаёміцца з рукапісамі. У нашых размовах заўсёды гучыць думка пра захаванне памяці.

Варта адзначыць дапаўненне да артыкула 21: «Кожны павінен праяўляць сацыяльную адказнасць, уносіць пасільны ўклад у развіццё грамадства і дзяржавы». З гэтым цяжка не пагадіцца. Я глыбока пераканана ў тым, што калі кожны чалавек будзе сумленна ставіцца да працы, спрыяць росквіту і дабрабыту дзяржавы, нас чакае добрая будучыня.

Важным уяўляецца і дапаўненне да артыкула 54: «Праяўленне патрыятызму, захаванне гістарычнай памяці аб гераічным мінулым беларускага народа з’яўляюцца абавязкам кожнага грамадзяніна Рэспублікі Беларусь». Гісторыя нашай краіны – гэта велічныя подзвігі нашых продкаў, надзейны падмурак і бясконцая крыніца натхнення. Шчыра спадзяюся, што словы «Жыву ў Беларусі і тым ганаруся!» паслужаць не толькі назвай акцыі, але і думкай, якую будзе падзяляць кожны грамадзянін нашай рэспублікі.