Борьбу в 1/4 финала интеллектуально-познавательного проекта «Адгукніся, душа…» продолжат 11 команд

У музеі гісторыі і культуры Наваполацка падвялі вынікі 1/8 фінала гарадскога інтэлектуальна-пазнавальнага турніру «Адгукніся, душа…», прысвечанага 140-годдзю з дня нараджэння народнага паэта Беларусі Янкі Купалы.

Новы праект стартаваў у пачатку лютага. Ужо прайшло чатыры гульні. У супрацьстаянні за званне самых эрудыраваных сустрэліся 16 каманд з ліку навучэнцаў старэйшых класаў агульнаадукацыйных школ і першакурснікаў сярэдніх спецыяльных і прафе­сійна-тэхнічных навучальных устаноў горада.

Як гуцычь лозунг тур­ніру: «Прайграўшых у нас няма!». Тым, хто пры­пыніў свой шлях да п’едэстала, арганізатары шчыра падзякавалі і ўручылі падарункі.

«Вельмі пры­емна бачыць, што наша моладзь з цікава­сцю ўдзельнічае ў інтэлек­туаль­ных спаборніцтвах. Тым самым адукоўва­ецца, пазнае сваю гісторыю. А каб вы былі не толькі ра­зумныя, але і здаровыя, мы падрыхтавалі для вас сертыфікаты на маса­вае катанне», –
адзначыў Ігар Каваленя, намеснік дырэктара спартыўнай установы «Хімік», якая выступае адным са спонсараў праекта.

Дыпломы за актыўны ўдзел атрымалі «Маладыя каласы» з СШ №11, «Дзясятачка» (БШ №10), «Госці» (СШ №8), «Валошкі» (СШ №3 імя
В. В. Шчарбакова), «Знічка» (СШ №1).

Барацьбу ў 1/4 фінала прадоўжаць адзінаццаць каманд.

Нэлі Радзько

фота Аліны Станкевіч