В Год исторической памяти Министерство информации развернуло масштабный республиканский проект «Бацькаўшчына»

У Год гістарычнай памяці Міністэрства інфармацыі разгарнула маштабны рэспубліканскі праект «Бацькаўшчына», ініцыятарам правядзення якога выступіў лаўрэат прэміі Прэзідэнта Беларусі Уладзімір Ліхадзедаў.

Сярод асноўных задач новага праекта – вывучыць, захаваць і папулярызаваць гістарычную спадчыну нашага народа. Напачатку года быў выдадзены каляндар, аформлены старымі паштоўкамі і фотаздымкамі канца XIX – пачатку ХХ стагоддзя з асабістай калекцыі Ліхадзедава. А на мінулым тыдні «Бацькаўшчына» паслужыла асновай канцэпцыі для правядзення XXIX Мінскай міжнароднай кніжнай выставы-кірмашу, якая парадавала гасцей рэдкімі экспанатамі з 13 краін свету. Яркім дадаткам стала інтэрактыўнае «ажыўленне» фатаграфій. З дапамогай мабіль­нага прыкладання, распрацаванага выдавецтвам «Адукацыя і выхаванне», у наведвальнікаў выставы з’явілася ўні­кальная магчымасць перанесціся з мінуўшчыны ў сучаснасць.

Рэспубліканскі праект пад­тры­малі рэгіянальныя і аб­ласныя СМІ. У рубрыках пад агульнай назвай «Бацькаўшчына» чытачам прадставілі архіўныя, музейныя фатаграфіі вядомых аб’ектаў альбо месцаў розных гадоў з іх апісаннем. Запрашаем і новапалачан у цікавае падарожжа па старонках гісторыі нашага краю.

Адной з самых запамінальных фота пачатку будаўніцтва Нафтаграда з’яўляецца чорна-белы здымак «Палатачны гарадок». У гонар камсамольцаў-энтузіястаў, якія прыязджалі на Полаччыну з усіх куткоў былога Саюза, у чэрвені 1968 года быў пабудаваны мемарыяльны комплекс «Першая палатка». Аўтар абеліска – Усевалад Ізергін. Месца стала знакавым у жыцці гараджан. Сёння тут праходзяць урачыстасці, сустрэчы с моладдзю, памятныя мерапрыемствы.

Нэлі Радзько