Сюжеты, которые никого не оставят равнодушным. Успейте посетить выставку полоцкой художницы Эльги Поповой «Теплые сказки»

Апынуцца ў чароўным свеце творчасці запрашае Цэнтр рамёстваў і традыцыйнай культуры г. Наваполацка. Да 12 снежня ва ўстанове працуе выстава полацкай мастачкі, пісьменніцы Эльгі Паповай «Цёплыя казкі».

Эльга працуе ў тэхніках акрылавага і алейнага жыва­пісу. Мае багаты вопыт ілюст­равання дзіця­чых кніг, размалёвак, займаецца літаратурай, праводзіць музычна-паэтычныя праграмы. На яе рахунку – дзясяткі выстаў у гарадах Беларусі і Расіі. Праз свае карціны і вершы яна нагадвае людзям пра блізкасць цудаў, аб тым, што казка заўсёды з намі побач, варта толькі прыгледзецца.

Маладая мастачка жыве ва ўласным доме ў Полацкім раёне. Дзіўная прыгажосць навакольнай прыроды натхняе яе на творчасць. Яркія, пазітыў­ныя, некалькі наіўныя, але такія добрыя сюжэты на карцінах Эльгі нікога не пакінуць абыякавым.

Падчас выставы дзецям чытаюць казкі

Для дзіцячых груп, якія наведаюць выставу да 6 снежня, Цэнтр рамёстваў прапануе забаўляльную праграму «Казкі для беларускіх дзетак».

Нэлі Радзько

Заставайцеся з намі ў Telegram!