Клуб спортивного танца «Рандеву» СШ №2 им. Е.А. Трапезниковой под руководством Инны Голубевой завоевал 10 золотых медалей на конкурсах в столице

Клуб спартыўнага танца «Рандэву» СШ №2 імя Я. А. Трапезнікавай пад кіраўніцтвам Іны Голубевай прывёз шмат узнагарод са сталіцы.

Больш за 1 000 юнакоў і дзяўчат прынялі ўдзел у чэмпіянаце краіны і пер­шынстве Рэспубліканскай грамадскай арганізацыі «Бе­ларускі альянс танцавальнага спорту» спа­борніцтва серыі Гран-пры «Стань чэмпіёнам!».

Наваполацк на ім прадставілі 11 пар розных узроставых катэгорый.

Сярод пачат­коўцаў першае месца завая­валі Вадзім Юрчанка і Дар’я Літві­нава, Станіслаў Мікуленка і Кліменціна Каменская. Дэбют у групе «Дзеці-2» прынёс Станіславу Шалгуну і Маргарыце Прымаковай трэцяе месца. Усяго ў скарбонцы «Рандэву» – 6 бронзавых, 7 срэбраных і 5 залатых медалёў.

Не менш удалым для новапалачан стаў рэспубліканскі турнір «M. I. N. S. K. CUP», які прайшоў у Палацы спорту г. Мінска і саб­раў каля 600 канкурсантаў. Выхаванцы Іны Голубевай за­вая­валі 2 бронзавых, 5 срэбра­ных і 5 залатых меда­лёў. Першае месца сярод пачынаючых узялі Сяргей Данільчанка і Ганна Аксёнава, Вадзім Юрчанка і Дар’я Літвінава.

Пераможцы абодвух спа­борніцтваў атрымалі ад арганізатараў і партнёраў медалі, кубкі, каштоўныя падарункі.

Нэлі Радзько